Erum við að leita að þér?

 

HS Orka er framsækið og vaxandi fyrirtæki sem byggir á sjálfbærri orkunýtingu og nýsköpun. Við erum þriðji stærsti orkuframleiðandi landsins og framleiðum rafmagn í Svartsengi, Reykjanesvirkjun, Brúarvirkjun og Fjarðarárvirkjunum. Einnig seljum við heitt og kalt vatn til heimila og fyrirtækja.

 

Ef þú vilt ganga til liðs við fjölbreyttan og skemmtilegan hóp og býrð yfir ríkri öryggisvitund, þekkingu, reynslu og áhuga þá hvetjum við þig eindregið til að sækja um.

Sækja um

HS Orka leitar að verkefnastjóra umhverfismála

HS Orka er framsækið og ört vaxandi orkufyrirtæki sem byggir á sjálfbærri nýtingu auðlinda og nýsköpun með áherslu á fjölnýtingu, meðal annars í Auðlindagarðinum. Við erum í fararbroddi í orkuskiptum hér á landi og höfum sett okkur skýr og ábyrg markmið í loftslagsmálum. Í farvatninu eru stór og spennandi uppbyggingarverkefni á sviði endurnýjanlegrar orku.

Við erum þriðji stærsti orkuframleiðandi landsins og framleiðum raforku í Svartsengi, Reykjanesvirkjun, Brúarvirkjun og Fjarðarárvirkjunum. Einnig seljum við heitt og kalt vatn til heimila og fyrirtækja á Suðurnesjum, auk annarra auðlindastrauma til fyrirtækja í Auðlindagarðinum.

Við erum fjölbreyttur hópur af skemmtilegu fólki sem störfum í sveigjanlegu og fjölskylduvænu vinnuumhverfi. Mikil áhersla er lögð á lipurð í samskiptum, liðsheild og framsækni. Þannig náum við best markmiðum okkar um ábyrga auðlindanýtingu.

Við leitum að öflugum og lausnamiðuðum verkefnastjóra umhverfismála í rekstri og framkvæmdum fyrirtækisins. Í starfinu verður þú eigandi ferlisins „Að vernda umhverfið“ og berð ábyrgð á því að unnið sé samkvæmt bestu umhverfisviðmiðum á hverjum tíma í samræmi við starfsleyfi fyrirtækisins. Þú tilheyrir skemmtilega samfélagsteyminu okkar en vinnur þvert á öll svið fyrirtækisins, sérstaklega tæknisvið og rekstrarsvið.

Í starfinu munt þú:

• Leiða framfaraverkefni í umhverfismálum
• Tryggja eftirfylgni við starfsleyfi orkuvera HS Orku
• Hafa eftirlit með umhverfismálum í rekstri og framkvæmdum
• Skilgreina og innleiða bestu viðmið í umhverfismálum
• Leiða úrgangsstjórnun
• Eiga samskipti við leyfisveitendur og aðra hagaðila

Menntunar- og hæfniskröfur sem þú þarft að uppfylla:

• Iðn- eða háskólamenntun sem nýtist í starfi. Nám í umhverfisfræðum og/eða verkefnastjórnun er kostur
• Hafa þekkingu á og reynslu af umhverfismálum
• Vera fær í samskiptum og skipulagi
• Geta sýnt frumkvæði, þolinmæði, aga og sjálfstæði í starfi

Umsóknarfrestur er til og með 23. desember 2024.

Nánari upplýsingar veitir Petra Lind Einarsdóttir, mannauðsstjóri, petra@hsorka.is.

Sækja um