Forysta í framleiðslu á endurnýjanlegri orku í hálfa öld

HS Orka byggir á traustum grunni Hitaveitu Suðurnesja sem var stofnuð í árslok 1974. Frá upphafi hefur fyrirtækið verið leiðandi í framleiðslu á endurnýjanlegri orku á Íslandi og er þriðji stærsti raforkuframleiðandi landsins. Eignarhald skiptist að jöfnu milli Jarðvarma, sem er samlagshlutafélag í eigu 14 íslenskra lífeyrissjóða, og Ancala, sjóðsstýringafélags með höfuðstöðvar í Bretlandi, sem leggur áherslu á innviðafjárfestingar víða um lönd og á ýmsum sviðum, svo sem í sjálfbærri orkuframleiðslu, flutningum, veitustarfsemi og í hringrásarhagkerfinu.

Svartsengi

Staðsetning orkuversins dregur nafn sitt af áningarstað hestamanna til forna, en það er svæðið austan núverandi Grindavíkurvegar gengt orkuverinu. Sjálft orkuverið stendur á hrauni sem rann árið 1226 sem heitir Illahraun.

Lesa nánar

Reykjanesvirkjun

Raforkuframleiðsla í Reykjanesvirkjun hófst árið 2006 með gangsetningu tveggja véla sem framleiddu samtals um 100 MW. Þriðju vélinni var bætt við árið 2023 og jók hún afkastagetu virkjunarinnar um 30 MW. Reykjanesvirkjun sér einnig nærliggjandi fyrirtækjum í Auðlindagarði HS Orku fyrir varma en um 100 MW iðnvarmaveita er starfrækt í virkjuninni.

Lesa nánar

Brúarvirkjun

Virkjunin var gangsett árið 2020 og er hún fyrsta vatnsaflsvirkjunin í eigu og rekstri HS Orku. Afkastageta hennar er 9,9 MW. Brúarvirkjun er rennslisvirkjun sem er beintengd við dreifinetið í Bláskógabyggð og nágrenni og hefur virkjunin þannig haft jákvæð áhrif á afhendingaröryggi raforku fyrir byggð á svæðinu.

Lesa nánar

Fjarðarárvirkjanir

HS Orka á og rekur tvær vatnsaflsvirkjanir í Fjarðará í Seyðisfirði og er uppsett afl þeirra samtals 9.8 MW. Fjarðarárvirkjanir voru gangsettar árið 2009. Virkjanirnar eru tvær, Bjólfsvirkjun og Gúlsvirkjun.

Lesa nánar

Orkuverin okkar

HS Orka á og rekur fjórar virkjanir, tvær jarðvarmavirkjanir á Reykjanesskaganum og tvær vatnsaflsvirkjanir - önnur á Suðurlandi og hin á Austurlandi. Fleiri virkjunarkostir víða um land eru til skoðunar hjá fyrirtækinu og er þróun þeirra komin mislangt á veg.

Öll orkuver

Stækkun Svartsengisvirkjunar

HS Orka hóf framkvæmdir við stækkun og endurbætur á orkuverinu í Svartsengi um mitt ár 2023. Framkvæmdin gengur undir nafninu SVA7 en í henni felst að eldri búnaður er endurnýjaður, ný vél verður sett upp og framleiðslugeta orkuversins aukin um þriðjung.

Lesa nánar

Krýsuvík

Hugmyndir um jarðhitanýtingu í Krýsuvík eiga sér langa sögu en Hafnarfjarðarbær og HS Orka hafa undirritað samkomulag um rannsóknir og nýtingu auðlindaréttinda í Krýsuvík til vinnslu á heitu vatni, ferksvatni og til raforkuframleiðslu. Markmiðið er að auka afhendingaröryggi á heitu vatni í Hafnarfirði og annars staðar á höfuðborgarsvæðinu ásamt því að mæta vaxandi raforkuþörf í landinu.

Lesa nánar

Hvalárvirkjun og önnur verkefni VesturVerks

Markmiðið virkjunarinnar er að stuðla að auknu raforkuöryggi á Vestfjörðum þar sem nýr afhendingarstaður raforku er fyrirhugaður í Ísafjarðardjúpi.

Lesa nánar

Vindorka

Árið 2020 lagði HS Orka fram þrjár tillögur að vindorkukostum til rammaáætlunar, áætlunar um vernd og orkunýtingu landsvæða.

Lesa nánar

Verkefnin okkar

Við vinnum af ábyrgð að metnaðarfullum þróunarverkefnum og leitum stöðugt leiða til að gera betur í starfsemi okkar og nýtingu auðlindanna sem okkur er treyst fyrir.

Verkefni

HS Orka í hnotskurn

HS Orka er þriðja stærsta orkufyrirtækið á Íslandi. Fyrirtækið hefur hálfrar aldar reynslu af vinnslu endurnýjanlegrar orku. Það rekur tvö jarðvarmaver, Svartsengi og Reykjanesvirkjun, og tvær vatnsaflsvirkjanir, Brúarvirkjun og Fjarðarárvirkjanir.

Sagan okkar