Af þessu tilefni býður HS Orka íbúum Reykjanesbæjar og öllum gestum Ljósanætur til afmælissögusýningar í Gryfjunni í Duus safnahúsum. Sýningin verður opin almenningi frá fimmtudeginum 5. september en áætlað er að hún standi síðan áfram til loka mánaðarins.
Sýningin ber yfirskriftina „50 ár af framförum“ og er hún framlag HS Orku til hátíðarinnar í ár. Á sýningunni, sem hönnuð er í samstarfi við íslenska sýningarhönnunarfyrirtækið Gagarín, er dregin upp mynd af einstakri frumkvöðlahugsun og framsýni, sem fylgt hafa fyrirtækinu í hálfa öld.
Sýningin er opin sem hér segir á Ljósanótt en að hátíðinni lokinni verður hún opin á almennum opnunartíma Duus safnahúsanna.
Afmælissögusýningin er fyrsti viðburðurinn af nokkrum sem HS Orka hyggst standa fyrir í tilefni af þessum tímamótum í sögu fyrirtækisins og verður nánar greint frá þeim síðar.
Hér á vefsíðunni má nálgast stiklur úr sögu HS Orku allt fram á þennan dag en einnig má finna þar hlekk á ítarlegra ágrip af sögu Hitaveitu Suðurnesja sem haldið hefur verið til haga af HS Veitum.