Út er komin sjálfbærniskýrsla HS Orku fyrir árið 2022. Í skýrslunni er greinargott yfirlit yfir starfsemina og ljósi varpað á helstu málefni og álitamál sem varða áhrif fyrirtækisins á umhverfi þess, samfélagið og efnahag.
Í skýrslunni er m.a. gerð grein fyrir vali fyrirtækisins á sex heimsmarkmiðum Sameinuðu þjóðanna um sjálfbæra þróun til innleiðingar í starfseminni.
Þetta er í annað sinn sem HS Orka gefur út sjálfbærniskýrslu í samræmi við Global Reporting Initiative staðlana (GRI). Efnisyfirlit skýrslunnar er gagnvirkt svo nálgast má ólíka kafla með einföldum hætti. Skýrslan byrjar á inngangshluta og kafla um nýja mikilvægisgreiningu ESG málefna fyrirtækisins – í kjölfarið koma skýrsluhlutarnir Umhverfisþættir, Samfélag og Stjórnarhættir. Aftast í skýrslunni er GRI tilvísunartafla sem sýnir hvernig og hvar tilteknar upplýsingar koma fram.
Skýrslan er nú aðgengileg á heimasíðu fyrirtækisins. HS Orka vinnur eftir hugmyndafræði um stöðugar framfarir og eru allar ábendingar um efnistök eða upplýsingar um hvað megi betur fara vel þegnar í gegnum netfang fyrirtækisins: hsorka@hsorka.is.