Jón Ásgeirsson

Jón Ásgeirsson hóf störf hjá HS Orku í mars 2020 sem framkvæmdastjóri stefnumótunar, framfara og Auðlindagarðsins. Áður vann hann lengst af hjá Rio Tinto; fyrst í rúm tíu ár í Straumsvík þar sem hann var m.a. framkvæmdastjóri steypuskála og síðan í önnur tíu ár í París og Montreal. Þar gegndi hann ýmsum stjórnunarstöðum á sviði sölu- og markaðsmála, við innkaupastjórnun og í viðskiptaþróun. Áður en hann gekk til liðs við HS Orku veitti hann alþjóðlegum fyrirtækjum ráðgjöf við umbreytingar. Jón situr í ýmsum stjórnum, meðal annars í stjórn Rauða krossins á Íslandi. Hann er efnafræðingur frá Háskóla Íslands og iðnaðarverkfræðingur frá Háskólanum í Stuttgart.