Friðrik Friðriksson

Friðrik Friðriksson er rafmagnstæknifræðingur frá Syddansk Universitet í Danmörku og er framkvæmdastjóri sölu og þjónustusviðs HS Orku. Hann hefur stýrt orkukaupum og orkusölu fyrirtækisins og fyrirrennara þess allt frá 2002 og hefur jafnframt umfangsmikla reynslu af framleiðslustýringu virkjana fyrir raforkumarkað. Hann hefur einnig mikla og víðtæka reynslu af rekstri og uppbyggingu dreifikerfa orkufyrirtækja. Hann hóf störf í íslenska orkugeiranum árið 1992, fyrst sem tæknifræðingur og síðar sem framkvæmdastjóri hjá Bæjarveitum Vestmannaeyja þar til félagið sameinaðist Hitaveitu Suðurnesja árið 2002. Friðrik fór yfir til HS Orku við uppskiptingu Hitaveitu Suðurnesja árið 2008. Hann hefur m.a. setið í stjórnum Netorku, Farice, Samorku, Suðurorku og Vesturverks ásamt ýmsum ráðum innan íslenska orkugeirans.